By: Lorain Sausa 9-Glory
Sa bawat sandali ng ating buhay
May mga tao tayong nakakasalamuha
May ‘di magkakahalintulad ng ugali
May iba’t ibang katangiang namamayani
Pero noong una tayong magkita
Dito sa silid paaralan
Magkalapit ang ating mga upuan
At laging magkakwentuhan nang matagal
Mga pinag-uusapan ay tungkol sa buhay
Mga pinagkakaabalahan at karanasan
Paulit-ulit lang ang sinasabi
Pero ito’y ating napagkakatuwaan
Lumalabas tayo ng hindi nakauniporme
Kumakain at nanunuod ng sine
Nag-iipon ng alaala na magkasama
Ito ang pagkakaibigan na ‘di ko makakalimutan